Akstursmat - leiðin að fullnaðarskírteini

Þeir sem hafa haft ökuréttindi í að minnsta kosti eitt ár geta sótt um akstursmat. Skilyrði er að hafa ekki fengið refsipunkt vegna umferðarlagabrota síðastliðnu 12 mánuði. Nauðsynlegt er að uppfæra bráðabirgðaskírteini í fullnaðarskírteini áður en þrjú ár líða frá veitingu ökuréttar. En bráðabirgðaskírteini gildir einunigs í þrjú ár frá útgáfu.

​Útrunnið ökuskírteini = Án ökuréttinda.

Notast er við ákveðið eyðublað sem þú byrjar á að fylla inn í, með því að gefa sjálfum þér einkunn. Síðan er ekinn hringur þar sem reynt er að koma inn á flest atriði sem verið er að meta. Að loknu akstursmati gefur ökukennari líka einkunn fyrir metna þætti og veitir jafnvel ráð um ýmis atriði. Það er ekki hægt að falla í akstursmati.

Það skiptir ekki máli hvort bíllinn sé beinskiptur eða sjálfskiptur. En hann þarf að heyra undir B-réttindi. Þannig má bíllinn ekki vera fyrir fleiri en 8 farþega og ekki með leyfða heildarþyngd sem er meiri en 3.500 kg. Þannig í raun hvernig fólksbíll sem er. 

Þú pantar tíma hjá Ívari ökukennara og getur valið nokkrar leiðir til þess. Hægt er að panta tíma í gegnum Noona.is/okunam, senda tölvupóst á ivarokukennari@gmail.com eða senda sms í síma 615-3612.

Akstursmat hjá Ívari ökukennara kostar 10.000 kr. ef matið fer fram á bíl frá þér. Annars kostar það 14.000 kr. ef þú vilt frekar nota kennslubifreið í matinu.

Þegar að akstursmatið er búið og greitt hefur verið fyrir það, fer staðfesting á akstursmati til Sýslumanns. Sýslumaður sendir þér svo tölvupóst með hlekk þar sem þú sækir um nýtt ökuskírteini og færð möguleika á að skipta um mynd á skírteininu. Sumir gætu þurft að skila inn læknisvottorði til Sýslumanns.

​

Að þessu loknu færð þú nýtt ökuskírteini í island.is "appið" og í framhaldi ökuskírteinið sjálft þegar það er tilbúið.